Prezident devoni Fuqarolar huquqlarini himoya qilish, jismoniy va yuridik shaxslarning murojaatlari bilan ishlashni nazorat qilish va muvofiqlashtirish xizmati xodimlari tomonidan 22-iyul, shanba kuni Olmaliq shahrida nazorat tashriflari amalga oshirildi. Bu haqda Facebook’dagi “Xalq bilan muloqot” guruhi xabar berdi.
Tashrif davomida joriy yil 17-aprel kuni Olmaliqda o‘tkazilgan sayyor qabuldagi qarorlar, 118 nafar fuqaroning O‘zbekiston Prezidentining virtual va Xalq qabulxonalariga murojaatlarining amalda bajarilishi o‘rganildi.
Devon xodimlari murojaat qilgan fuqarolarning uylarida bo‘lib, ular bilan suhbatlashdi va murojaatlarining ijrosi yuzasidan bevosita ma’lumotga ega bo‘ldi.
O‘zbekiston Prezidenti nomidan ikki yetim qizga ikki xonali kvartira ajratildi va 5 million so‘m berildi. Shuningdek, aholining kam ta’minlangan qatlamiga ko‘mak uchun ajratilgan mablag‘lar hisobidan ayrim fuqarolarga davolanishi va qayta tiklanishi uchun moddiy yordam ko‘rsatildi.
Izoh (0)