O‘zbekiston Prezidenti Shavkat Mirziyoyev Yuqori Chirchiqda qurilayotgan logistika markazida Toshkent viloyatida qishloq xo‘jaligi mahsulotlarini yetishtirish va qayta ishlash bo‘yicha amalga oshiriladigan loyihalar taqdimoti bilan tanishdi.
O‘zAning xabar berishicha, Qibray tumanidagi Agrologistika markazi meva-sabzavot mahsulotlarini quritish va qadoqlash, issiqxona, muzlatgich, qishloq xo‘jaligi mahsulotlarini qayta ishlashni o‘z ichiga oladi. 2018-yilning birinchi yarmida ishga tushiriladigan markazda 500 ga yaqin ish o‘rni yaratiladi.
“O‘zbekoziqovqatxolding” xolding kompaniyasi tomonidan Toshkent viloyatining Ohangaron tumanidagi Sardorkom mas’uliyati cheklangan jamiyatida olmadan sharbat tayyorlash yo‘lga qo‘yiladi. Parkent tumanida tashkil etiladigan korxonada meva-sabzavotni muzlatish, qadoqlash va saqlash majmuasi, zamonaviy issiqxona barpo etiladi.
Yerlardan unumli foydalanish kerak. Bugungi zamon to‘g‘ri kelgan narsani emas, foyda keltiradigan, bozori chaqqon mahsulotlar yetishtirishni talab qilmoqda.O‘zbekiston Prezidentiga tijorat banklari tomonidan moliyalashtirilayotgan yirik loyihalar haqida ham so‘zlab berildi.Shavkat Mirziyoyev, O‘zbekiston Prezidenti
Loyihalarda qog‘oz mahsulotlarini qayta ishlash, meva-sabzavotlarni qadoqlash uchun gofrakarton qutilar ishlab chiqarish, parrandachilik sohasini rivojlantirish, meva-sabzavot mahsulotlarini quritish ko‘zda tutilgan.
Toshkent viloyati tumanlarida rentabelligi va hosildorligi past bo‘lgan sug‘oriladigan ekin maydonlariga ekiladigan ekin turlarining sxematik xaritasi haqida so‘zlab berildi.
Izoh (0)