Vazirlar Mahkamasining 2017-yil 14-iyuldagi 497-son qarori bilan O‘zbekiston Respublikasi fuqarolarining safarbarlik chaqiruvi rezervida (SChR) xizmatni o‘tashi tartibi to‘g‘risida nizomga tuzatishlar kiritildi, deb xabar berdi Norma.
2015-yilning sentabr oyida quyidagi qoida joriy qilingan: SChR xizmatchisi vafot etgan taqdirda to‘langan pul badallari uning yaqin qarindoshiga, merosxo‘riga, vasiysiga yoki homiysiga qaytariladi.
Mudofaa vazirligining statistikasiga ko‘ra, ko‘rsatilgan sanagacha 244 nafar SChR xizmatchilari pul badallarini to‘lagan (jami summa — 233,5 million so‘m), biroq vafot etganligi sababli harbiy yig‘inlardan o‘tmagan.
Shu munosabat bilan normaga orqaga qaytish kuchini berishga qaror qilindi. Ya’ni vafot etgan (halok bo‘lgan) SChR xizmatchilarining yaqin qarindoshlari, merosxo‘rlari, vasiylari yoki homiylarining murojaatlariga bo‘yicha hatto pullar 2015-yil sentabr oyigacha o‘tkazilgan taqdirda ham ular qaytariladi.
Bundan tashqari, endilikda SChR xizmatchisiga III guruh nogironligini (ilgari faqat I va II guruh edi) berish badallarni qaytarish uchun asos bo‘lib xizmat qiladi.
Izoh (0)