JV MAN Auto-Uzbekistan MChJ qo‘shma korxonasi va Gruziyaning TEGETA Truck & Bus Ltd. kompaniyasi o‘rtasida MAN axlat tashish mashinalari shassilari partiyasini yetkazib berish haqida bitim imzolangan edi, deb yozadi “O‘zavtosanoat” matbuot xizmati.
13-iyul kuni JV MAN Auto-Uzbekistan MChJ QK MAN modelidagi yuk texnikasi shassilarining ilk partiyasini yetkazib berdi.
MAN texnikasi bilan batafsil tanishtirish maqsadida JV MAN Auto-Uzbekistan MChJ QK Tbilisi shahar meriyasi bo‘linmalariga sinash ishlarini o‘tkazish uchun past polli shahar avtobusini va kommunal texnikaning ba’zi namunalarini yetkazib berishga tayyorligini bildirdi.
Shu tariqa, JV MAN Auto-Uzbekistan MChJ QK TEGETA Truck & Bus Ltd. kompaniyasi bilan sheriklik aloqalarini yanada rivojlantirishni va o‘zi ishlab chiqargan mahsulotlarni yetkazib berish orqali, o‘zining Gruziya bozoridagi o‘rnini mustahkamlashni rejalashtirmoqda, deyiladi xabarda.
Izoh (0)