Daimler konserni dizelli dvigatel o‘rnatilgan 3 millionta Mercedes’ni chaqirib oladi

Daimler avtomobil konserni Yevropada dizelli dvigatel o‘rnatilgan uch millionta Mercedes texnik yangilanish uchun ixtiyoriy tarzda chaqirib olinishini e’lon qildi, deb yozadi Meduza.

Bunda gap avtomobil chiqaradigan ajratmalarni nazorat qiladigan dasturiy ta’minotni yangilash haqida bormoqda. Bu ishlarga kompaniya 220 million yevroga yaqin mablag‘ sarflaydi.

Mercedes-Benz rahbari Diter Zetxe ma’lum qilishicha, “dizelli dvigatellar haqidagi muhokama noaniqlikni tug‘diradi”, shu tufayli, kompaniya “dizelli mashinalar egalariga ishonchni qaytarish uchun qo‘shimcha choralar” ko‘rishga va “dizelli texnologiyaga ishonchni kuchaytirish”ga qaror qilgan.

Press-relizda aytilishicha, Mercedes-Benz bozorga “dizelli dvigatellarning mutlaqo yangi oilasi”ni chiqarishga tayyorlanmoqda.