Mercedes-Benz o‘z tarixidagi birinchi seriyali pikapni rasman taqdim etdi. Konsept-versiyasi 2016-yil kuzida taqdim etilgan va X-Class deya nom olgan model JARdagi maxsus tadbirda namoyish etildi, deya xabar beradi “Motor”.
Pikap Nissan Navara platformasida qurildi. Uning uzunligi 5340 millimetr, eni 1920 millimetr, balandligi esa 1819 millimetrga teng.
Pikap yuk platformasi uzunligi 1587 millimetr, eni 1560 millimetr, balandligi esa 474 millimetr. X-klassning maksimal yuk ko‘tarish imkoniyati 1042 kilogrammni tashkil etadi.
Model dastlab ikki 4 silindrli turbodizel bilan taklif etiladi. Ularning ishchi hajmi 2,3 litrga teng. Keyinchalik 3.0 V6 dizel dvigateli, Dubay va Marokash kabi bozorlarda esa 165 ot kuchiga ega benzin motor ham paydo bo‘ladi.
Yevropada Mercedes-Benz X-Class sotuvi noyabrda boshlanadi. 2018-yil boshida JAR va Avstraliya, 2019-yil avvalida esa Argentina va Braziliya bozorlariga chiqadi.
Germaniyada pikap narxi 37 294 yevrodan boshlanadi.
Izoh (0)