Aleksandr Lobanovning qo‘pol xatosi sabab O‘zbekiston termasi “Zob Ohan”ga ham mag‘lub bo‘ldi

Samvel Babayan bosh murabbiyligida Turkiyaga jo‘nab ketgan futbol bo‘yicha O‘zbekiston milliy terma jamoasi Eronning “Zob Ohan” klubiga qarshi o‘rtoqlik o‘yinida maydonga tushdi va 0:1 hisobida imkoniyatni boy berdi.

“Championat.asia” nashrining ma’lum qilishicha, O‘zbekiston milliy terma jamoasi darvozasini birinchi bo‘limda Ignatiy Nesterov qo‘riqlagan va tomonlar tanaffusga 0:0 hisobidagi durang bilan chiqib ketgan.

Bosh murabbiy ikkinchi bo‘limda o‘zi asosiy deb biladigan darvozabon Aleksandr Lobanovni maydonga tushirgan. Aynan uning qo‘pol xatosidan so‘ng eronlik futbolchilar gol urishga muvaffaq bo‘lgan. Bu gol o‘yin yakuniga qadar yagonaligini saqlab qolgan.

O‘zbekiston milliy terma jamoasi Samvel Babayan boshqaruvida Eron termasiga qarshi ikki o‘yin o‘tkazib, har ikkisida ham imkoniyatni boy bergan va raqib darvozasiga bitta ham aniq zarba bera olmagandi. Endi bosh jamoa Eron milliy chempionatini 4-o‘rinda yakunlagan klubga ham imkoniyatni boy berib qo‘ydi.

Uchrashuv tafsilotlari haqida “Zob Ohan” klubining Instagram sahifasi ma’lumot bergan. “Championat.asia” esa Lobanov o‘tkazib yuborgan golni o‘zining Instagram sahifasiga joylashtirdi.

Ўзбекистон - Зоб Оҳан 0:1. ?Лобановнинг қўпол хатоси ва гол!? @zobahan_official

Публикация от championat.asia (@championat.asia) Июл 19 2017 в 12:17 PDT