Andijon viloyatida huquqni muhofaza qiluvchi organlar bilan hamkorlikda o‘tkazilgan keng qamrovli tezkor-profilaktik tadbirlar davomida Andijon tumani Bo‘taqora qishlog‘ida yashovchi fuqaro o‘z uyida nasha o‘smligi o‘stirayotgani aniqlandi. Bu haqda Andijon viloyati IIB xabar berdi.
O‘z yashash uyida sakkiz tup nasha o‘simligini ekib yetishtirayotgan fuqaro bilan olib borilgan tezkor profilaktik suhbat natijasida uning uyida bir dona bir litrli idishda jami og‘irligi 54,28 grammni tashkil qilgan marixuana giyohvandlik moddasi borligi aniqlangan va ichki ishlar bo‘limi xodimlari tomonidan ashyoviy dalil sifatida olingan.
Mazkur holat yuzasidan Andijon tuman IIB tomonidan tekshiruv harakatlari olib borilmoqda.
Izoh (0)