Interpol Tojikiston maxsus mo‘ljal kuchlarining sobiq qo‘mondoni, IShID tarafiga o‘tib ketgan Gulmurod Halimovning qidiruvlarini to‘xtatdi. Tojikiston rasmiylari buning sabablarini o‘rganmoqda, deb xabar beradi “Interfaks”.
Tojikiston IIV matbuot markazi rahbari Umarjon Emomali Gulmurod Halimovning o‘ldirilgani yoki zararsizlantirilgani haqida biror rasmiy ma’lumotga ega emas, shu bois tergovning to‘xtatilishi tushuntirishlarni talab qiladi.
Gulmurod Halimov 2015-yilning 30-mayida xalqaro qidiruvga berilgan edi.
"Uning o‘ldirilgani yoki ushlangani haqida rasmiy tasdiq olinmaguniga qadar uning fotosurati Tojikiston IIV va Interpol saytida turishi lozim. Interpol shtab-kvartirasiga so‘rov yo‘llandi”, — dedi Emomali.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)