Hindiston shimoli-sharqida sodir bo‘lgan kuchli sel toshqinlari va ko‘chkilar 83 kishining hayotiga zomin bo‘ldi. Bu haqda Reuters agentligiga tayanib, “Korrespondent.net” xabar berdi.
Ushbu sel va ko‘chkilarga Assam, Arunachal-Pradesh, Nagalend va Manipur shtatlarida uzoq vaqt yog‘gan yomg‘irlar sabab bo‘ldi.
“Eng daxshatli zarba Assamga tushdi — u yerda 53 kishi halok bo‘ldi. Suv toshqinlari va ko‘chkilar sabab 2 millionga yaqin odam evakuatsiya qilindi”, — deya ma’lum qildi Assam shtatining bosh vaziri Sarbananda Sonoval.
Shuningdek, Assamdagi Kaziranga qo‘riqxonasi Braxmaputra daryosining suvlari ostida qolib ketdi. Hozirga qadar kamida uchta noyob yakkashox karkidon halok bo‘ldi. Kaziranga milliy bog‘i — YuNESKO jahon merosi obyektlari qatoriga kiritilgan. Uning hududida 2,5 mingga yaqin yakkashox karkidon yashaydi, butun dunyoda esa ushbu hayvon turidan uch mingga yaqini mavjud.
Izoh (0)