Ҳиндистон шимоли-шарқида содир бўлган кучли сел тошқинлари ва кўчкилар 83 кишининг ҳаётига зомин бўлди. Бу ҳақда Reuters агентлигига таяниб, «Корреспондент.net» хабар берди.
Ушбу сел ва кўчкиларга Ассам, Аруначал-Прадеш, Нагаленд ва Манипур штатларида узоқ вақт ёғган ёмғирлар сабаб бўлди.
«Энг дахшатли зарба Ассамга тушди — у ерда 53 киши ҳалок бўлди. Сув тошқинлари ва кўчкилар сабаб 2 миллионга яқин одам эвакуация қилинди», — дея маълум қилди Ассам штатининг бош вазири Сарбананда Соновал.
Шунингдек, Ассамдаги Казиранга қўриқхонаси Брахмапутра дарёсининг сувлари остида қолиб кетди. Ҳозирга қадар камида учта ноёб яккашох каркидон ҳалок бўлди. Казиранга миллий боғи — ЮНЕСКО жаҳон мероси объектлари қаторига киритилган. Унинг ҳудудида 2,5 мингга яқин яккашох каркидон яшайди, бутун дунёда эса ушбу ҳайвон туридан уч мингга яқини мавжуд.
Изоҳ (0)