Xitoy xorijiy mamlakatlarni huquq muhofazachisi, Nobel mukofoti sovrindori Lyu Syaoboning vafoti tufayli, uning ichki ishlariga aralashmaslikka va mas’uliyatsiz bayonotlar bermaslikka chaqiradi. Bu haqda Xitoy tashqi ishlar vazirligi vakili ma’lum qildi, deb yozadi “RIA Novosti”.
Lyu Syaobo davlat tuzumini qo‘porishga chaqirganlikda ayblanib 11 yilga ozodlikdan mahrum qilingan edi. 26-iyun kuni Lyu Syaobo oxirgi bosqichdagi jigar saratoni tashxisi munosabati bilan qamoqdan muddatidan ilgari ozod qilingan edi.
Uning o‘limidan so‘ng bir qator chet ellik yetakchilar, shuningdek, xalqaro tashkilotlar vakillari hamdardlik bildirib, Xitoy hukumatini uning oilasi a’zolarining ko‘chib yurishiga to‘sqinlik qilmaslikka va uning bevasini hibsdan ozod qilishga chaqirdi.
TIV vakili Lyu Syaobo qonunni buzganlikda aybdor deb topilganini aytdi. Unda jigar saratoni aniqlangach, tegishli idoralar va tibbiy muassasalar insonparvarlik yuzasidan va qonunga muvofiq ravishda uning davolanishi uchun qo‘lidan kelganicha harakat qilgan.
Izoh (0)