Qirg‘izistonda 40 ga yaqin odam oltin qazib oluvchi kompaniya — “Qirg‘izoltin” OAJning omborini o‘marishga harakat qildi. Bu haqda mamlakat IIV matbuot-xizmati “Interfaks”ga ma’lum qildi.
“Norin tumanida (Qirg‘iziston shimoli) mahalliy aholi, ya’ni 40 ga yaqin erkak “Qirg‘izoltin” OAJning omborini o‘marishga harakat qildi. O‘g‘rilar avtomashinalarda tarkibida oltin bo‘lgan rudani “Solton-Sari”dan olib chiqib ketmoqchi bo‘lgan”, — deydi matbuot xizmati vakili.
Uning so‘zlariga ko‘ra militsiya xodimlari jinoyatning oldini olishga muvaffaq bo‘lgan.
“Norin tumani IIB xodimlarining tezkor-surishtiruv tadbiri davomida jinoyatga aloqadorlikda gumonlanib ‘Emgekchil’ qishlog‘ining 23 fuqarosi qo‘lga olindi. Tergov ishlari davom etmoqda”, — dedi agentlik suhbatdoshi.
Izoh (0)