Checheniston rahbari Ramzan Qodirov Nemsovning o‘ldirib ketilishi haqidagi ish bo‘yicha sud hukmini g‘alati, sudlanuvchilar aybdorligi haqidagi dalillarni esa “shubhali” deb atadi. Bu haqda hudud hukumati matbuot xizmati xabar berdi, deb yozadi “RIA Novosti”.
“Aybdorlik haqidagi dalillar shubhali bo‘lgan bir paytda, qattiq rejimdagi 20 yillik qamoq jazosini chiqargan Moskva okrug harbiy sudining Boris Nemsovning o‘ldirib ketilishi haqidagi ish bo‘yicha hukmi g‘alati ko‘rinyapti”, — deyiladi xabarda.
Unda aytilishicha, Qodirovning taajjublanishiga davlat ayblovchisining sudga murojaat qilib, sudlanuvchilardan biriga umrbod qamoq jazosini tayinlashni so‘ragani sabab bo‘lgan.
“Ramzon Qodirov ta’kidlaganidek, bunday jinoiy ishlar bo‘yicha umrbod qamoq jazosi tayinlangan holatlarni u bilmaydi. Shu bilan birga, Checheniston rahbari mamlakatning boshqa shaharlarida chechenistonlik, kavkazliklarning o‘ldirib ketilishi holatlari inson huquqlari uchun kurashuvchi turli huquq himoyachilari va nashrlar tomonidan rad etilayotganini aytdi”, — deyiladi bayonotda.
Eslatib, o‘tamiz, Moskva okrug harbiy sudi muxolif siyosatchi Boris Nemsovning qotilligi haqidagi ish yuzasidan hukm o‘qidi.
Izoh (0)