Surxondaryo viloyati Qumqo‘rg‘on tumanidagi QVP mudirasining mas’uliyatsizligi oqibatida 2 yoshli go‘dak hayotdan ko‘z yumdi. Bu haqda viloyat hokimi Erkinjon Turdimovning Facebook’dagi sahifasida ma’lum qilingan.
Xabar berishlaricha, Qumqo‘rg‘on tuman tibbiyot birlashmasida viloyat hokimi, keng jamoatchilik va tibbiyot xodimlari ishtirokida ochiq muloqot bo‘lib o‘tgan. Muloqot chog‘ida tumanda yuz bergan bir qator ko‘ngilsiz hodisalarga ham to‘xtalib o‘tilgan.
Xususan, tumandagi “Munchoqtepa” qishloq vrachlik punkti mudirasi Salima Choriyevaning o‘z ishiga sovuqqonligi, mas’uliyatsizligi natijasida 2 yoshli go‘dak hayotdan ko‘z yumgan.“Ayni paytda Salima Choriyevani jinoiy javobgarlikka tortish masalasi viloyat prokuraturasi tomonidan ko‘rib chiqilmoqda”, — deyiladi Surxondaryo viloyati hokimining Facebook’dagi sahifasidagi xabarda.
Umuman olganda, kamchiliklarga yo‘l qo‘ygani uchun Qumqo‘rg‘on tibbiyot birlashmasi tizimidan 29 nafar xodim vazifasidan ozod etilgan, 5 nafar tibbiyot xodimiga nisbatan intizomiy jazo choralari ko‘rilgan. Mazkur choralar aynan qaysi vaqt oralig‘ida ko‘rilganiga xabarda aniqlik kiritilmagan.
Izoh (0)