Amerikaning Billboard nashri 2016-yilning eng ko‘p pul ishlab topgan musiqachilari reytingini e’lon qildi.
Billboard’s Top 50 Money Makers of 2016 reytingida amerikalik qo‘shiqchi Beyonse 62,1 million dollarlik daromadi bilan yetakchilik qildi. Ushbu summani xonanda Lemonade albomi va dunyo bo‘ylab gastrol safari orqali ishlab topdi.
20 million dollarlik farq bilan ikkinchi o‘rinni Amerikaning xard-rok guruhi — Guns N’ Roses band etdi. Guruh a’zolari 42,3 million dollar orttirdi, bu 2016-yilning aprelida boshlanib, hozirgacha davom etayotgan gastrol safarlari sharofati bilan bo‘ldi.
Yuqori uchlikka amerikalik rok va folk musiqachi Bryus Springstin yakun yasadi. Qo‘shiqchi 2015-yil oxirida yubiley boks setini chiqarib, turnega otlangan edi, natijada esa u 42,2 million dollar ishlab oldi.
O‘ntalikka, shuningdek, kanadalik reper Dreyk, britaniyalik xonanda Adel, Angliyaning Coldplay pop-rok guruhi, kanadalik Jastin Biber, amerikalik kantri musiqachilar Lyuk Brayan va Kenni Chesni, amerikalik reper Kanye Uest ham kirdi.
Izoh (0)