Беларусь Республикаси президенти Александр Лукашенко «Купале» («Александрия дўстларини тўпламоқда» номи билан машҳур) байрамига ташриф буюрди. Концертда мамлакат раҳбарининг ёнидан 21 ёшли фотомодель Кристина Неверо жой олди, деб хабар берди «Наша Нива».
Маросим 8 июль куни бўлиб ўтди. Беларусь президентининг сайтига жойлаштирилган суратлардан кўриш мумкинки, унинг чап томонида Кристина Неверо ўтирган.
Нашрнинг таъкидлашича, бу қиз авваллари мамлакат раҳбари билан бирга жамоатга кўриниш бермаган. Маълумотларга кўра, Неверо — бўлажак иқтисодчи, жорий йилда Витебск давлат технология университети дипломини олган, шунингдек, президент кечасида ҳам иштирок этган. Рақс билан шуғулланади, 2016 йилда «Баҳор маликаси» гўзаллик танловида ғолибликни қўлга киритган.
«У Александияда президентни нон ва туз билан бирга кутиб олди. Танлов қандай кетаётганидан хабарим йўқ», — дейди қизнинг отаси.
Шунингдек, Неверо Беларусь Республикаси ёшлар иттифоқининг фаоли ҳисобланади. Мамлакатдаги ушбу йирик ташкилот ҳукумат, жумладан, шахсан президент томонидан қўллаб-қувватланади.
Маълумот учун: Лукашенко 1975 йилда ўқитувчи Галина Желнеровичга уйланган. Улар биргаликда яшамайди, бироқ расман ажрашмаган. Желнеровичнинг Лукашенкодан иккита — Виктор ва Дмитрий исмли фарзандлари бор, президентнинг кичкина ўғли — Коля никоҳсиз туғилган. Унинг онаси ким эканлиги маълум эмас.
Изоҳ (0)