AQSh 2001-yildan beri harbiy operatsiya o‘tkazilayotgan Afg‘onistondagi urushni boy bermoqda. Bu haqda o‘tgan haftada bir guruh konressmenlarga bosh bo‘lib mamlakatga borgan AQSh senati qurolli kuchlar qo‘mitasi rahbari Jon Makkeyn ma’lum qildi, deya xabar beradi “RIA Novosti”.
“Bizda strategiya yo‘q, shuning uchun yutqizyapmiz. Afg‘oniston armiyasi ham katta yo‘qotishlarga duch kelyapti. Muammo Oq uyga borib taqaladi, u yerda hozir chalkashliklar ko‘p”, — ta’kidladi Makkeyn CBS telekanaliga bergan intervyusida.
Senatorga ko‘ra, mamlakatda Vashington va uning ittifoqdoshlari 16 yildan beri amalga oshirayotgan harakatlar kutilgan natijani bergani yo‘q.
Shu bilan birga, u rasmiy Kobulga qurolli muxolifatda bo‘lgan “Tolibon”ga qarshi kurashni davom ettirish zarurligini uqtirdi.
Izoh (0)