Uch haftalik “ko‘karib ketgan” chaqaloqning hayoti Sharjadagi shifoxonada saqlab qolindi

BAAning Sharja shahrida hayotiga xavf tug‘diradigan ko‘krak hujayra infeksiyasi sabab “ko‘karib” ketgan uch haftalik qizaloq shifoxonadan chiqarildi, deb xabar berdi UAE Inside.

Qizaloq Sharja universiteti gospitalidagi (UHS) tez yordam xizmatiga yetkazilganida unda infeksiya asoratlari topilgan. Qizaloq otasining so‘zlariga ko‘ra, chaqaloqning tana harorati ko‘tarilib ketgan va tinmay yo‘talgan.

Bir nechta testlar o‘tkazilganidan so‘ng unda ko‘krak hujayra infeksiyasi tashxisi qo‘yilgan.

UHS’ning pediatorlar jamoasi bolakayda tinimsiz yo‘talni aniqlagan va unga havo yetmay qola boshlagan. Gayaning terisi (qizaloq) organizmda kislorod miqdori kamayib ketgani bois ko‘karib ketgan. Shifokorlarning tezkor harakati bilan uning hayoti saqlab qolingan.

“Bu kabi hollarda o‘limning yuqori darajasi qayd etiladi, ayniqsa bolakay yaqindagina tug‘ilgan bo‘lsa. Oqibatda kasallik shifokorlarning aralashuvisiz bolaning yurak faoliyatiga ta’sir ko‘rsatadi va uni to‘xtatadi”, — dedi UHS tibbiy direktori Hakam Yasin.

Bu kabi holatlar mintaqada kam uchraydi. Hukumat organlari xavfsizlik chorasi sifatida homilador ayollarga oldindan emlanishni tavsiya qilmoqda.