Chexiya fuqarolari Facebook orqali jonli efir vaqtida yo‘l-transport hodisasiga uchradi, ulardan bir nafari halok bo‘ldi. Video YouTube tarmog‘ida joylashtirildi, deb xabar berdi “RIA Novosti”.
Videodan ikki nafar qizning katta tezlikda avtomobilda harakatlanayotganini va shu bilan birga kulayotganini ko‘rish mumkin. Avariya vaqtida telefon qizning qo‘lidan tushib ketganiga qaramay, suratga olishni davom etgan.
The Mirror’ning ma’lum qilishicha, translyatsiyani Nikol Barabasova amalga oshirayotgan vaqtda uning dugonasi avtomobilni boshqarib ketayotgan bo‘lgan. Qizlar Obronitse aholi punktiga yo‘l olgan va yo‘ldagi shovqundan himoya qilish uchun o‘rnatilgan devorga 120 kilometr soat tezlik bilan borib urilgan. Nashrning ma’lumotlariga ko‘ra, yo‘lovchi voqea joyidayoq halok bo‘lgan, haydovchi esa og‘ir ahvolda shifoxonaga yetkazilgan.
Izoh (0)