Чехия фуқаролари Facebook орқали жонли эфир вақтида йўл-транспорт ҳодисасига учради, улардан бир нафари ҳалок бўлди. Видео YouTube тармоғида жойлаштирилди, деб хабар берди «РИА Новости».
Видеодан икки нафар қизнинг катта тезликда автомобилда ҳаракатланаётганини ва шу билан бирга кулаётганини кўриш мумкин. Авария вақтида телефон қизнинг қўлидан тушиб кетганига қарамай, суратга олишни давом этган.
The Mirror’нинг маълум қилишича, трансляцияни Николь Барабасова амалга ошираётган вақтда унинг дугонаси автомобилни бошқариб кетаётган бўлган. Қизлар Обронице аҳоли пунктига йўл олган ва йўлдаги шовқундан ҳимоя қилиш учун ўрнатилган деворга 120 километр соат тезлик билан бориб урилган. Нашрнинг маълумотларига кўра, йўловчи воқеа жойидаёқ ҳалок бўлган, ҳайдовчи эса оғир аҳволда шифохонага етказилган.
Изоҳ (0)