Rossiyaning “Radar MMC” kompaniyasi “Delfin” turidagi yangi qayiqni yaratdi, uning hashamatli to‘plamini “suv ustidagi Bentley” deya atash mumkin. Bu haqda kompaniyaning ijrochi direktori Ivan Ansev “RIA Novosti” bilan intervyuda ma’lum qildi.
Ushbu qayiq birinchi bor joriy yilning iyunida Sankt-Peterburgdagi Harbiy-dengiz salonida namoyish qilingan edi.
“Biz “Volga” va “Delfin” suvosti qanotlaridan foydalangan holda hashamatli salonga ega modernizatsiya qilingan qayiqni taqdim etdik. Aytish mumkinki, ushbu qayiq suvdagi Bentley — uning 280 ot kuchiga ega dvigateli 90 kilometr soat tezlikda hakatlanish imkonini beradi, saloni charmdan, qizil yog‘ochdan ishlangan”, — deydi Ansev.
Ushbu qayiqdan sayrga chiqqanda va VIP-transport vositasi sifatida foydalanish mumkin. “90 kilometr soat tezlikda qayiqning qanotlari chiqadi va hech bir to‘lqin unga cho‘t emas”, — deydi ijroji direktor.
Izoh (0)