Ferrari kompaniyasi 2021-yilda bozorga chiqariladigan va gibrid dvigatelga ega krossoverni tayyorlamoqda. Bu haqda Motor xabar berdi.
Avtomobil shartli F16X nomini olgan. Kompaniya vakillariga ko‘ra, mashina to‘liq ma’nodagi krossover yoki yo‘ltanlamas bo‘lmaydi. Italiya markasi “besh eshikli kupe” chiqaradi.
Yangilik GTC4 Lusso modelining vorisi tayyorlanadigan alyumin platformada quriladi. Undan krossover to‘liq uzatma tizimini oladi. O‘lchamlari bo‘yicha esa F16X birmuncha balandroq bo‘ladi.
Kapot ostida 8 silindrli motor yoki gibrid benzin-elektr dvigateli joylashishi kutilmoqda. V12 motori variant sifatida ko‘rilmayapti.
Birinchi shunday Ferrari narxi 350 ming dollar bo‘lishi taxmin qilinmoqda. Kompaniya uning yordamida sotuv hajmini ikki barobar ko‘paytirib, yiliga 16 mingtaga yetkazishni mo‘ljallamoqda.
Izoh (0)