Xalq deputatlari Namangan shahar kengashining navbatdan tashqari sessiyasi bo‘lib o‘tdi. Bu haqda “Daryo” muxbiri xabar berdi.
Sessiyada tashkiliy masala ko‘rildi. Vazirlar Mahkamasi Qishloq va suv xo‘jaligi, qishloq xo‘jaligi mahsulotlarini qayta ishlash hamda iste’mol tovarlari masalalari axborot-tahlil departamenti mudiri bo‘lib ishlab kelgan Shavkatjon Abdurazzoqov Namangan shahar hokimi etib tayinlandi.
Shavkatjon Abdurazzoqov 1976-yilda Namangan shahrida tug‘ilgan. Namangan sanoat-texnologiya instituti hamda Prezident huzuridagi Davlat va jamiyat qurilishi akademiyasini tamomlagan.
U 2015—2017-yillarda Namangan tumani hokimi lavozimida faoliyat yuritgan, fevral oyida esa Vazirlar Mahkamasi departamenti mudiri etib tayinlangandi.
Eslatib o‘tamiz, O‘zbekiston Prezidenti Shavkat Mirziyoyev viloyat faollar yig‘ilishida yo‘l qo‘ygan kamchiliklari uchun Namangan shahar hokimi Bahodir Bekxo‘jayevni ishdan olgandi.
Izoh (0)