Yunusobod tumanida 5-iyul kuni ikkita fohishaxona saqlash holati aniqlandi. Bu haqda Toshkent shahar Ichki ishlar bosh boshqarmasi xabar bermoqda.
Xabar berishlaricha, shu kuni soat 12:00 atrofida o‘tkazilgan tezkor tadbir davomida tumanning Ahmad Yugnakiy ko‘chasidagi xonadonida ikki fuqaroga jinsiy aloqa qilish uchun 30 ming evaziga sharoit yaratib bergan fuqaro aniqlangan.
Shuningdek, 5-iyul kuni soat 21:40 atrofida o‘tkazilgan boshqa bir tadbir davomida tumanning 8-mavzesida joylashgan ko‘p qavatli xonadonida 50 ming so‘m evaziga ikki kishining jinsiy aloqa qilishi uchun sharoit yaratib bergan shaxs fosh etilgan.
Xabar berishlaricha, har ikki holat bo‘yicha Jinoyat kodeksining 131-moddasi 2-qismi (“fohishaxona saqlash”) bilan jinoyat ishi qo‘zg‘atilgan, tergov harakatlari olib borilmoqda.
Izoh (0)