Facebook AQShning Menlo-Park shahridagi 11 ming kvadrat metr maydonda oziq-ovqat do‘konlari, dorixonalar va savdo tarmoqlari kabi turli infratuzilma obyektlarini quradi. Majmua Willow deb nomlanadi. Shu bilan birga, Facebook 1,5 mingta uy qurib, hududdagi turar joy muammosini hal qilishga kirishmoqda. Uylarning 15 foizi bozor narxidan pastroq narxlarda sotilishi va’da qilinmoqda. Bu haqda TJournal xabar berdi.
Loyihani amalga oshirishda birinchi rasmiy qadam 2017-yil iyul oyida shahar ma’muriyati bilan hamkorlikda qurilish loyihasini taqdim etish hisoblanadi. Qurilish bir necha bosqichda bo‘lib o‘tadi: 2021-yilga qadar oziq-ovqat do‘konlari, turar joylar va ofis binolari paydo bo‘ladi, keyin esa ikki yil davomida qolgan rejalar amalga oshiriladi.
Facebook tomonidan qayd etilishicha, qurilishning o‘zi mahalliy quruvchilar uchun ko‘plab ish o‘rinlari yaratadi.
Izoh (0)