Facebook АҚШнинг Мэнло-Парк шаҳридаги 11 минг квадрат метр майдонда озиқ-овқат дўконлари, дорихоналар ва савдо тармоқлари каби турли инфратузилма объектларини қуради. Мажмуа Willow деб номланади. Шу билан бирга, Facebook 1,5 мингта уй қуриб, ҳудуддаги турар жой муаммосини ҳал қилишга киришмоқда. Уйларнинг 15 фоизи бозор нархидан пастроқ нархларда сотилиши ваъда қилинмоқда. Бу ҳақда TJournal хабар берди.
Шунингдек, компания US-101 трассасини ривожлантириш ва яхшилаш эвазига транспорт инқирози муаммосига ечим топмоқчи.
Лойиҳани амалга оширишда биринчи расмий қадам 2017 йил июль ойида шаҳар маъмурияти билан ҳамкорликда қурилиш лойиҳасини тақдим этиш ҳисобланади. Қурилиш бир неча босқичда бўлиб ўтади: 2021 йилга қадар озиқ-овқат дўконлари, турар жойлар ва офис бинолари пайдо бўлади, кейин эса икки йил давомида қолган режалар амалга оширилади.
Facebook томонидан қайд этилишича, қурилишнинг ўзи маҳаллий қурувчилар учун кўплаб иш ўринлари яратади.
Изоҳ (0)