29-iyun kuni 75 nafardan ortiq “Kamolot” Qurultoyi delegatlari Artel kompaniyasining zavodlariga ishlab chiqarish jarayonlari bilan tanishish maqsadida tashrif buyurdilar.
Qurultoy “Kamolot” yoshlar ijtimoiy harakati tomonidan tashkil etilgan bo‘lib, unda Respublikamizning turli viloyatlaridan tashrif buyurgan delegat hamda qatnashchilar ishtirok etishdi. Bo‘lib o‘tayotgan qurultoy belgilanadigan istiqbolli rejalar, ustuvor maqsadlar yoshlar uchun yangi imkoniyatlar poydevoridir.
Tashrif chog‘ida “Kamolot” Qurultoyi ishtirokchilariga Artel kompaniyasining zavodlaridagi ish jarayoni yaqqol ko‘rsatib berildi. Korxonaning mutasaddi xodimlari tomonidan muzlatgich va kir yuvish mashinalari ishlab chiqarish zavodlari bo‘ylab ekskursiya ham amalga oshirildi. Tashrif buyurgan delegatlar maishiy texnika ishlab chiqaruvchi korxonaning ish faoliyati bilan tanishdilar va ishlab chiqarish jarayonlariga guvoh bo‘ldilar.
“Kamolot” Qurultoyi deligatlari xizmat ko‘rsatish va yagona ma’lumot markazlarining faoliyatlari bilan yaqindan tanishdilar. Bundan tashqari Respublikamizning turli viloyatlariga va eksport mamlakatlariga jo‘natiladigan tovarlarning logistika markaziga ham tashrif buyurdilar.
Ekskursiya oxirida, barcha mehmonlarga esdalik uchun sovg‘alar taqdim etildi.
O‘z navbatida, “Kamolot” Qurultoyi delegatsiya ishtirokchilari tomonidan Artel kompaniyasiga tashakkurnoma va kitoblar to‘plami topshirildi.
Barcha delegatlar berilgan ma’lumotlardan mamnun qolishganini va Artel kompaniyasining ishlab chiqarish ko‘lami katta taassurot qoldirganini ta’kidlab o‘tishdi.
Reklama huquqi asosida
Izoh (0)