Biz mavjudligini bilmagan aqlli gadjetlar (foto)

Har yili inson hayotini yaxshilash va vaqtini tejash maqsadida ko‘plab yangi ixtirolar qilinadi. AdMe shu kabi ixtirolar haqida ma’lumot to‘plab taqdim etdi.

Homilador ayollar uchun PreVue kamari

Homilador ayolning qorniga taqilgan PreVue qurilmasi bo‘lajak ota-onalar real vaqtda o‘z farzandi qanday o‘sayotganini, uxlayotganini va harakat qilayotganini tug‘ilguniga qadar ko‘rish imkoniyatini beradi.

Proyektor bilaguzuk

Cicret kompaniyasining bilaguzugi yordamida sizning qo‘lingiz planshetga aylanadi. Smartfonning ekrani qo‘lingizda paydo bo‘ladi va u orqali turli buyruqlarni berishingiz mumkin.

Sochlarni yorqinlashtiruvchi dazmol

Amerikaning Pravana brendi bir necha daqiqa ichida sochlarni yorqin rangga aylantiruvchi dazmolni taqdim etdi. Bu sochni bo‘yashda ishlatiladigan bo‘yoqlarga nisbatan xavfsiz hisoblanadi.

Touch-Hear lug‘ati

Singapur universitetida Touch-Hear lug‘ati ishlab chiqarildi. U ikki qismdan iborat: barmoq uchiga o‘rnatiladigan kichkina sensor va quloqqa o‘rnatiladigan spikerdan. Skaner orqali kitobdagi so‘zlarga teginilsa uning ma’nosini eshitish mumkin bo‘ladi.

Miya faoliyatining stimulyatori

Thync — elektr impulslari yordamida stresslardan qutulishga, og‘ir ish kunidan keyin dam olishga yoki aksincha, bardam bo‘lishga yordam beradi.

Neutrogena Light Therapy niqobi

Ushbu niqobning ichki qismida LED-yoritgichlar mavjud: ko‘k yoritgich bakteriyalarga qarshi, qizili esa yallig‘lanishni kamaytirish uchun. Niqobni bir oy davomida kuniga 10 daqiqa taqish kifoya.

Uyqusizlikka qarshi niqob

Niqobdagi svetodiodlar uyquga ketishda quyosh botishining nurlarini, uyg‘onishda esa yumshoq ko‘k nurlarni yodga solib uyqusizlikka barham beradi.

Qo‘ng‘iroq qilish mumkin bo‘lgan taqinchoq

Hamma ham uyining kalitini yo‘qotib qo‘yganida “qaniydi kalitga qo‘ng‘iroq qilib bo‘lsa” deb o‘ylashi shubhasiz. Endilikda ushbu yangi taqinchoqqa smartfoningiz orqali qo‘ng‘iroq qilishingiz mumkin. Uni kuchuk bo‘yinbog‘iga, ryukzakka, hatto televizor pultiga ham qotirib qo‘yish mumkin.

Kichkina vakuum nasosi

Yaradagi zaharlarni doimo ham og‘iz bilan so‘rib chiqarib tashlash noqulay. Ushbu nasos orqali esa yaradagi deyarli barcha zaharni chiqarib tashlash mumkin.