O‘zbekistonning Qirg‘iziston va Tojikiston bilan chegaralarni delimitatsiya va demarkatsiya qilishi masalasida berilgan savolga 5-iyulda bo‘lib o‘tgan videomuloqot davomida javob bergan Abdulziz Komilov ayni vaqtda bu masalada muzokaralar faol ketayotganini aytib o‘tdi.
Tojikiston bilan bo‘ladimi, Qirg‘iziston bilan bo‘ladimi, ularning pozitsiyasidan qat’i nazar, murakkab muammolar bor. Bunda O‘zbekistonning pozitsiyasini, Qirg‘iziston yoki Tojikistonning pozitsiyasini hamda chegarada yashovchi aholining pozitsiyasini inobatga olish kerak. Shunday joylar borki, hovlining o‘rtasidan chegara o‘tgan: ota-ona bir tomonda, kelin bilan kuyov boshqa tomonda qolib ketadi yoki ariqning o‘rtasidan o‘tgan chegarada suv kimniki ekanligni aniqlashtirish kerak. Lekin umumiy munosabat juda ijobiy. Hamma tomonlar kelishishga tayyor. Bunda bir-birini to‘g‘ri tushunish va kelishish, o‘zaro hurmat asosida masalalar hal qilinishi kerak.Muloqot davomida aynan shu ikki qo‘shni davlat bilan munosabatlar yuzasidan berilgan savolga ham javob berildi. Unga ko‘ra, Qirg‘iziston bilan chegaralarni belgilash masalasida kelishuvga erishilsa, bu kelishuv ikki davlat rahbarining oliy darajadagi uchrashuvida imzolanadigan asosiy hujjatlardan biri bo‘ladi.Abdulaziz Komilov, O‘zbekiston tashqi ishlar vaziri
Izoh (0)