Xalq ta’lim vazirligi 9-sinf bitiruvchilarining ta’limni qay tarzda davom ettirishlari borasida rasmiy axborot berdi. Bu haqda vazirlik matbuot xizmati ma’lum qildi.
“Joriy o‘quv yilida 9-sinfni bitirgan o‘quvchilar ota-onalari va o‘zlarining xohishlariga ko‘ra ongli ravishda kasb-hunar kolleji, akademik litsey yoki o‘zlari ta’lim olgan maktablarda majburiy ta’limni davom ettiradilar”, — deyiladi vazirlik axborotida.
Eslatib o‘tamiz, avvalroq O‘zbekistonning bir qator kasb-hunar kolleji va akademik litseyida 9-sinf bitiruvchilaridan hujjat qabul qilish to‘xtatilgan edi. Keyinroq 3-iyuldan barcha litsey va kollejlarda hujjat qabul qilish boshlanishi ma’lum qilingandi.
Izoh (0)