Nogironlar aravachasiga bolaligidayoq mixlangan hindistonlik rassom Dubay rahbarining 1,4 x 2 metrli portretini yaratdi, deb xabar berdi UAE Inside.
Imkoniyati cheklangan rassom og‘zi orqali Birlashgan Arab Amirliklari vitse-prezident va bosh vaziri, Dubay hukmdori shayx Muhammad Bin Rashid Al Maktumning suratini chizdi. Umrida Dubayga bormagan Hindistonning Kerala shtatida yashovchi 31 yoshli Jesferning so‘zlariga ko‘ra, ushbu surat imkoniyati cheklangan insonlarga ko‘mak bergan rahbar uchun tuhfa. Jesferga bolaligida “mushak atrofiya” tashxisi qo‘yilgan bo‘lib, uning jismoniy harakatlari cheklangan.
“Men Shayx Muhammad va Shayx Hamdanni Twitter, Facebook va Instagram orqali bir necha yildan beri kuzatib boraman. Shayx Hamdanning paralimpiyachilarni qo‘llab-quvvatlash borasidagi hisobot chiqishini ko‘rgach, bu menga ta’sir qildi”, — deydi Jesfer.
Shayx Hamdanni quchoqlab turgan Shayx Muhammadning suratini chizish uchun Jesfer 500 soat vaqtini sarflagan.
Izoh (0)