Buyuk Britaniya hukumati Londondagi yonib bitgan Grenfell Tower ko‘p qavatli binosida istiqomat qilgan noqonuniy muhojirlarga mamlakatda bir yil qolishga ruxsat beradi. Bu haqda Britaniya tashqi ishlar vazirining immigratsiya bo‘yicha o‘rinbosari Brendon Lyuis ma’lum qildi, deya xabar beradi “TASS”.
“Grenfell Tower’dagi yong‘inda jabrlanganlarning barchasiga Buyuk Britaniyada 12 oy mobaynida qolishga ruxsat beriladi. Ular tegishli yordam ko‘rsatish va qo‘llab-quvvatlash bo‘yicha barcha xizmatlardan foydalanishi mumkin. Bu jabrdiydalar yuzaga kelgan og‘ir holatdan chiqib ketishi va o‘z hayotini qaytadan qurishiga imkon beradi”, — ta’kidladi Brendon Lyuis.
Eslatib o‘tamiz, Buyuk Britaniya politsiyasi Londondagi Grenfell Tower ko‘p qavatli binosida ro‘y bergan yong‘in qurbonlari soni 80 kishini tashkil etganini bildirdi.
Izoh (0)