Vashington Shimoliy Koreyadan himoya uchun barcha imkoniyatlar, jumladan, harbiy kuchdan ham foydalanishga tayyor. Bu haqda AQShning BMTdagi doimiy vakili Nikki Xeyli ma’lum qildi, deya xabar beradi “Gazeta.ru”.
“Qo‘shma Shtatlar o‘zi va ittifoqdoshlarini himoya qilish barcha imkoniyatlarni ishga solishga tayyor. Ulardan biri qurolli kuchlardan iborat. Agar zarurat tug‘ilsa, ularni safarbar etamiz. Ammo ish bungacha borib yetmasligiga umid qilamiz”, — ta’kidladi Nikki Xeyli.
Shuningdek, doimiy vakil Vashington yaqin kunlarda BMT Xavfsizli kengashiga Shimoliy Koreya bo‘yicha yangi rezolyutsiyani taqdim etishini ma’lum qildi.
Eslatib o‘tamiz, oldinroq prezident Donald Tramp Xitoy rahbari bilan telefon orqali muloqotda AQSh bir o‘zi Shimoliy Koreyaga bosim o‘tkazishga tayyor ekanligini bildirgani haqida xabar berilgandi.
Izoh (0)