Ногиронлар аравачасига болалигидаёқ михланган ҳиндистонлик рассом Дубай раҳбарининг 1,4 х 2 метрли портретини яратди, деб хабар берди UAE Inside.
Имконияти чекланган рассом оғзи орқали Бирлашган Араб Амирликлари вице-президент ва бош вазири, Дубай ҳукмдори шайх Муҳаммад Бин Рашид Ал Мактумнинг суратини чизди. Умрида Дубайга бормаган Ҳиндистоннинг Керала штатида яшовчи 31 ёшли Жесфернинг сўзларига кўра, ушбу сурат имконияти чекланган инсонларга кўмак берган раҳбар учун туҳфа. Жесферга болалигида «мушак атрофия» ташхиси қўйилган бўлиб, унинг жисмоний ҳаракатлари чекланган.
«Мен Шайх Муҳаммад ва Шайх Ҳамданни Twitter, Facebook ва Instagram орқали бир неча йилдан бери кузатиб бораман. Шайх Ҳамданнинг паралимпиячиларни қўллаб-қувватлаш борасидаги ҳисобот чиқишини кўргач, бу менга таъсир қилди», — дейди Жесфер.
Шайх Ҳамданни қучоқлаб турган Шайх Муҳаммаднинг суратини чизиш учун Жесфер 500 соат вақтини сарфлаган.
Изоҳ (0)