Xalqimizda “Savob ishni har kim qilishi kerak, savob ishni har kuni qilish kerak!”, degan hikmatli gap bor. Yaqinda “Сочная долина”dan Farg‘ona vodiysi aholisiga bayram tuhfasi!” savdo belgisi shu hikmatga amal qilgan holda yana bir xayrli ishga qo‘l urdi. Ya’ni O‘zbekiston Mustaqilligining 26 yillik bayrami munosabati bilan “Сочная долина”dan Farg‘ona vodiysi aholisiga bayram tuhfasi! ” savdo belgisi yurtdoshlarimizga bayram tuhfasi sifatida O‘zbekiston Xalq artisti, xalqimizning sevimli xonandasi Yulduz Usmonovaning yangi konsert dasturini taqdim etishga qaror qildi!
Ma’lumki, Yulduz Usmonova ko‘p yillardan beri butun o‘zbek xalqi sevib tinglaydigan qo‘shiqlarni kuylab keladi. Xonanda shu yilning bahorida poytaxtimiz Toshkentdagi “Istiqlol” san’at saroyida 15 kun davomida yakkaxon konsert bergan edi. Endi esa, O‘zbekistonimizning so‘lim go‘shalaridan biri bo‘lgan Farg‘ona vodiysi aholisi Yulduz Usmonovaning san’atidan bahramand bo‘ladi.
Tadbir tashkilotchilarining ma’lumotlariga ko‘ra, konsertlar iyul oyi oxirida Farg‘ona, Andijon va Namangan viloyatlarining markaziy stadionlarida bo‘lib o‘tadi. Hozirda bayramga tayyorgarlik jarayonlari qizg‘in davom etmoqda.
“Сочная долина” savdo belgisi tomonidan mazkur sharbatlar iste’molchilari va hamkorlari uchun uyushtirilayotgan konsertlarning birinchisi 2017-yilning 27-iyul kuni Namangan shahridagi “Navbahor” stadionida soat 19:00 da bo‘lib o‘tadi. Unda Yulduz Usmonova o‘zining “Ey, aziz inson” deb nomlangan yangi konsert dasturini taqdim etadi.
Xuddi shu kabi konsert dasturi premerasi 28-iyul kuni Andijon viloyati markazi Andijon shahridagi “Sog‘lom avlod”stadionida Yulduzxonim muxlislarini soat 19:00 da bir joyga yig‘adi.
Va nihoyat, Yulduz Usmonovaning vodiydagi uchinchi konserti 29-iyulda Farg‘ona shahridagi markaziy “Istiqlol”stadionida kech soat 19:00 da bo‘lib o‘tadi.
Ta’kidlab o‘tish kerakki, bo‘lajak konsertlarga chiptalar sotilmaydi. Unda konsertlarga chiptalarni qanday olish mumkin dersiz? Gap shundaki, taniqli xonandaning konsertiga tushishni istagan muxlislar buning uchun “Сочная долина” sharbatlarini xarid qilishlari zarur bo‘ladi. Ushbu maqsadda “Сочная долина” savdo belgisi tomonidan yuqorida nomlari sanalgan har bir viloyatda to‘rt-beshtadan maxsus savdo nuqtalari tashkil etilgan. Mazkur savdo nuqtalardan 10 dona “Сочная долина” sharbati sotib olgan xaridorga Yulduz Usmonovaning konsertiga tekinga 1 dona chipta beriladi. Savdo do‘konlari esa konsertga chipta olish uchun ikki blok, ya’ni 24 dona “Сочная долина” sharbati sotib olishlari lozim bo‘ladi.
Kezi kelganda aytib o‘tish kerakki, Yulduz Usmonova Farg‘ona xalqiga taqdim etadigan konsert dasturi mutlaqo yangi dastur bo‘lib, asosan hali kuylanmagan qo‘shiqlaridan tashkil topgan. Shuningdek, muxlislarning istaklaridan kelib chiqib, xonandaning xalqimiz qalbidan o‘rin olib ulgurgan sevimli qo‘shiqlari ham ijro etiladi. Tadbirni yanada qiziqarli tarzda o‘tkazish uchun barcha ishlar qilinmoqda. Xususan, konsert o‘tkaziladigan har bir stadionda alohida katta sahna qurilib, bezatiladi. Bundan tashqari, 80 dan ortiq shou-tomosha ishtirokchilari bo‘lgan raqqos va raqqosalar, 10 dan ziyod musiqachilar ham xalq xizmatida bo‘ladilar. Shunisi ham e’tiborliki, Yulduz Usmonova vodiylik muxlislari uchun jonli ovozda kuylaydi!
Ta’kidlab o‘tish zarurki, ushbu tadbir “Сочная долина” savdo belgisi tomonidan o‘tkazilayotgan shu kabi birinchi tadbir emas. Joriy yilning may oyida savdo belgisi yordamida taniqli “Million” guruhi ijdkorlari vodiyliklarning mehmoni bo‘lgan edi.
“Сочная долина” savdo belgisi o‘z iste’molchilari uchun yuqoridagi kabi sovg‘alarni taqdim etishda bardavom bo‘lish niyatida! Demak, bayram davom etadi!
Ma’lumot uchun: Intersok.uz
Reklama huquqi asosida!
Izoh (0)