O‘zbekiston Respublikasi Prezidenti Shavkat Mirziyoyevning 5-iyuldagi farmoni bilan O‘zbekiston Yoshlar ittifoqi rahbari Qahramon Quranboyev Prezidentning yoshlar siyosati masalalari bo‘yicha davlat malahatchisi va Oliy majlis Senati a’zosi etib tayinlandi. Ushbu hujjatlar O‘zbekiston Prezidentining rasmiy saytida chop etildi, deb xabar berdi “Gazeta.uz”.
Bunga qadar Prezidentning jamoatchilik va diniy tashkilotlar bilan hamkorlik bo‘yicha davlat maslahatchisi o‘rinbosari bo‘lgan Qahramon Quranboyev 30-iyunda O‘zbekiston Yoshlar ittifoqiga (sobiq “Kamolot” yoshlar harakati) rahbar etib tayinlangandi.
Ittifoqning markaziy kengashi raisi bir vaqtning o‘zida Prezident maslahatchisi hamda senator lavozimida bo‘lishini yoshlar tashkilotining qurultoyida so‘zga chiqqan davlat rahbari Shavkat Mirziyoyev ma’lum qilgan edi.
Shuningdek, mamlakat rahbarining ma’lum qilishicha, Qoraqalpog‘iston kengashi rahbarlari, Yoshlar ittifoqining viloyat, tuman va shahar bo‘limlari rahbarlari Qoraqalpog‘iston Jo‘qorg‘i Kengesi raisi va hokimlarning yoshlar siyosati masalalari bo‘yicha maslahatchisi etib tayinlanadi.
Izoh (0)