Халқимизда «Савоб ишни ҳар ким қилиши керак, савоб ишни ҳар куни қилиш керак!», деган ҳикматли гап бор. Яқинда «Сочная долина»дан Фарғона водийси аҳолисига байрам туҳфаси!» савдо белгиси шу ҳикматга амал қилган ҳолда яна бир хайрли ишга қўл урди. Яъни Ўзбекистон Мустақиллигининг 26 йиллик байрами муносабати билан «Сочная долина»дан Фарғона водийси аҳолисига байрам туҳфаси! » савдо белгиси юртдошларимизга байрам туҳфаси сифатида Ўзбекистон Халқ артисти, халқимизнинг севимли хонандаси Юлдуз Усмонованинг янги концерт дастурини тақдим этишга қарор қилди!
Маълумки, Юлдуз Усмонова кўп йиллардан бери бутун ўзбек халқи севиб тинглайдиган қўшиқларни куйлаб келади. Хонанда шу йилнинг баҳорида пойтахтимиз Тошкентдаги «Истиқлол» санъат саройида 15 кун давомида яккахон концерт берган эди. Энди эса, Ўзбекистонимизнинг сўлим гўшаларидан бири бўлган Фарғона водийси аҳолиси Юлдуз Усмонованинг санъатидан баҳраманд бўлади.
Тадбир ташкилотчиларининг маълумотларига кўра, концертлар июль ойи охирида Фарғона, Андижон ва Наманган вилоятларининг марказий стадионларида бўлиб ўтади. Ҳозирда байрамга тайёргарлик жараёнлари қизғин давом этмоқда.
«Сочная долина» савдо белгиси томонидан мазкур шарбатлар истеъмолчилари ва ҳамкорлари учун уюштирилаётган концертларнинг биринчиси 2017 йилнинг 27 июль куни Наманган шаҳридаги «Навбаҳор» стадионида соат 19:00 да бўлиб ўтади. Унда Юлдуз Усмонова ўзининг «Эй, азиз инсон» деб номланган янги концерт дастурини тақдим этади.
Худди шу каби концерт дастури премераси 28 июль куни Андижон вилояти маркази Андижон шаҳридаги «Соғлом авлод»стадионида Юлдузхоним мухлисларини соат 19:00 да бир жойга йиғади.
Ва ниҳоят, Юлдуз Усмонованинг водийдаги учинчи концерти 29 июлда Фарғона шаҳридаги марказий «Истиқлол»стадионида кеч соат 19:00 да бўлиб ўтади.
Таъкидлаб ўтиш керакки, бўлажак концертларга чипталар сотилмайди. Унда концертларга чипталарни қандай олиш мумкин дерсиз? Гап шундаки, таниқли хонанданинг концертига тушишни истаган мухлислар бунинг учун «Сочная долина» шарбатларини харид қилишлари зарур бўлади. Ушбу мақсадда «Сочная долина» савдо белгиси томонидан юқорида номлари саналган ҳар бир вилоятда тўрт-бештадан махсус савдо нуқталари ташкил этилган. Мазкур савдо нуқталардан 10 дона «Сочная долина» шарбати сотиб олган харидорга Юлдуз Усмонованинг концертига текинга 1 дона чипта берилади. Савдо дўконлари эса концертга чипта олиш учун икки блок, яъни 24 дона «Сочная долина» шарбати сотиб олишлари лозим бўлади.
Кези келганда айтиб ўтиш керакки, Юлдуз Усмонова Фарғона халқига тақдим этадиган концерт дастури мутлақо янги дастур бўлиб, асосан ҳали куйланмаган қўшиқларидан ташкил топган. Шунингдек, мухлисларнинг истакларидан келиб чиқиб, хонанданинг халқимиз қалбидан ўрин олиб улгурган севимли қўшиқлари ҳам ижро этилади. Тадбирни янада қизиқарли тарзда ўтказиш учун барча ишлар қилинмоқда. Хусусан, концерт ўтказиладиган ҳар бир стадионда алоҳида катта саҳна қурилиб, безатилади. Бундан ташқари, 80 дан ортиқ шоу-томоша иштирокчилари бўлган раққос ва раққосалар, 10 дан зиёд мусиқачилар ҳам халқ хизматида бўладилар. Шуниси ҳам эътиборлики, Юлдуз Усмонова водийлик мухлислари учун жонли овозда куйлайди!
Таъкидлаб ўтиш зарурки, ушбу тадбир «Сочная долина» савдо белгиси томонидан ўтказилаётган шу каби биринчи тадбир эмас. Жорий йилнинг май ойида савдо белгиси ёрдамида таниқли «Миллион» гуруҳи иждкорлари водийликларнинг меҳмони бўлган эди.
«Сочная долина» савдо белгиси ўз истеъмолчилари учун юқоридаги каби совғаларни тақдим этишда бардавом бўлиш ниятида! Демак, байрам давом этади!
Маълумот учун: Intersok.uz
Реклама ҳуқуқи асосида!
Изоҳ (0)