Orlando olib berishni va’da qilib, 10 ming dollarni qo‘lga kiritgan firibgar qo‘lga olindi

2016-yil 19-avgust kuni, Doniyor Ikromov(ismlar o‘zgartirilgan) Yunusobod tumani hududida, fuqaro Xudaybergenova Faridaning ishonchiga kirib, unga ikki oy davomida Orlando rusumli avtomashinasini olishda yordam berishni va’da qilib, 10 000 AQSh dollari miqdoridagi pullarini aldov yo‘li bilan qo‘lga kiritgan, deb xabar bermoqda Toshkent shahar IIBB matbuot xizmati.

Mazkur holat yuzasidan Yunusobod tumani IIB huzuridagi Tergov bo‘limi tomonidan O‘zbekiston Respublikasi JKning 168-moddasi 1-qismi (firibgarlik, ya’ni o‘zganing mulkini aldash va ishonchni suiiste’mol qilish yo‘li bilan qo‘lga kiritish) alomatlari bilan jinoyat ishi qo‘zg‘atilgan.

Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.