Navoiy viloyati IIB boshlig‘ining o‘rinbosari “Kamolot” YoIHning Navoiy viloyati bo‘yicha raisini haqorat qilgani uchun ishdan bo‘shatdi. Bu haqda Navoiy viloyati IIB xabar berdi.
Avvalroq “Kamolot” YoIHning Navoiy viloyati bo‘yicha raisini haqorat qilgani uchun Navoiy viloyati IIB boshlig‘i ishdan haydalgani haqida xabar berilgan edi. Biroq Navoiy viloyati IIB tomonidan aniqlik kiritilishicha, IIB boshlig‘i emas boshliq o‘rinbosari “Kamolot” raisini haqorat qilgan va shu sababli ishdan bo‘shatilgan.
Endi hokimlarning va IIB boshliqlarining o‘rinbosarlari O‘zbekiston yoshlar ittifoqi tavsiyasiga ko‘ra tayinlanadigan bo‘ldi.
Eslatib o‘tamiz, Shavkat Mirziyoyev “Kamolot” YoIH faoliyatini to‘xtatib, uni O‘zbekiston yoshlar ittifoqiga aylantirishga qaror qildi. Yangi tuzilmaning budjeti ikki barobarga kattalashtirildi. Yangi tuzilma raisi etib Qahramon Quronboyev saylandi.
Bundan tashqari, syezd chog‘ida 30-iyun O‘zbekiston yoshlari kuni deb e’lon qilindi.
Izoh (0)