Termizda O‘zbekiston Kasaba uyushmalari Federatsiyasi tomonidan “Amudaryo” bolalar sog‘lomlashtirish oromgohi barpo etildi. Bu haqda “Novosti Uzbekistana” xabar bermoqda.
Zamonaviy sport maydonlari, basseyn, amfiteatr, ma’naviyat-ma’rifat markazi, kutubxona, to‘garaklar uchun keng auditoriyalarga ega oromgoh qurilishiga 34 milliard so‘m sarflandi.
200 nafar bolani qabul qilishga mo‘ljallangan oromgohda tantanali ochilish marosimidan so‘ng ilk mavsum boshlandi. Yozgi mavsum davomida esa bu yerda mingdan ortiq bola dam olishi mo‘ljallangan. Yaqin orada esa mazkur obyekt mashhur “Artek” oromgohi kabi yil mobaynida faoliyat ko‘rsatishi bildirilmoqda.
Oromgoh atrofida hududni obodonlashtirish bo‘yicha keng ko‘lamli ishlar davom ettirilmoqda. Jumladan, ikki qavatli baxshilar maktabi qurilishi yakunlanmoqda. Shuningdek, 17 gektar maydonda sport-sog‘lomlashtirish majmui, maishiy xizmat punktlari, madaniy-ko‘ngilochar obyektlar barpo etiladi.
Izoh (0)