O‘zbekiston Respublikasi va Yevropa Ittifoqi o‘rtasida sheriklik va hamkorlik to‘g‘risidagi Bitimning “To‘qimachilik bayonnomasi” 2017-yil 1-iyuldan boshlab kuchga kirdi. Bu haqda O‘zbekiston TIV matbuot xizmati xabar bermoqda.
Ushbu hujjatning kuchga kirishi O‘zbekistonning eksport salohiyatni oshirish va milliy to‘qimachilik mahsulotlarini Yevropa bozorlariga kirib borishida muhim amaliy ahamiyatga ega.
Xususan, mazkur hujjat O‘zbekiston va Yevropa Ittifoqi o‘rtasida to‘qimachilik mahsulotlari savdosi uchun mustahkam huquqiy asos yaratadi.
Bunda Yevroittifoq tomonidan O‘zbekiston to‘qimachilik mahsulotlariga qo‘llanayotgan tranzit, bojxona va soliq to‘lovlarida o‘zarolik asosida eng qulay tartibni yo‘lga qo‘yish, ushbu turdagi mahsulotlar savdosidagi miqdoriy cheklovlarni olib tashlash nazarda tutiladi.
Izoh (0)