The New York Times’ning sobiq muharriri Devid Gallaxer birinchi iPhone ishlab chiqarilganiga o‘n yil to‘lishi munosabati bilan, u smartfondan qanday qilib maxfiy suratga olishni amalga oshirganini so‘zlab berdi, deb xabar berdi TJournal.
Devid ushbu surat ostidagi izohga “Mening iPhone’imdan yuborilgan (aslida Stivning)”, — deya yozib qoldirgan.
2007-yilda u boshqa jurnalistlar bilan birgalikda qurilmaning yopiq namoyishida ishtirok etgan va smartfon kamerasini tekshirish maqsadida pechenyeni tezda suratga olgan. “Apple’ning ma’lumotlarni tarqab ketishiga nisbatan maxfiyligini inobatga olgan holda, ushbu surat noqonuniy hisoblanishini bilardim”, — deydi Gallaxer.
Shundan so‘ng men suratni Flickr’da chop etdim. Suratga belgi qoldiradigan darajada jasur emasdim (imzo ancha keyinroq paydo bo‘lgan). Bilishimcha, uni hech kim sezmagan.Birinchi iPhone’ning faqat bitta orqa kamerasi bo‘lgan. U 2 megapikselli suratlarni olgan (1600 x 2000 nuqta) va video yozib olishni amalga oshirmagan.Shunga qaramay, baribir hayajonli edi: men iPhone orqali kompaniya tashqarisida olingan birinchi suratni internetga joylashtirdim.
Devid Gallaxer, The New York Times sobiq muharriri
29-iyunda iPhone’ning yubileyi sharafiga Apple’ning sobiq dizayneri qurilmaning dastlabki ikkita maxfiy prototipi suratlarini o‘zining Twitter’dagi sahifasiga joylashtirdi. Uning yozishicha, ushbu smartfonlar dastlabki bosqichda vallabi deya (kenguru oilalaridan biri) nomlangan.
Izoh (0)