Jindallae 3 nomini olgan smartfon KXDRdagi Mangyongdae davlat axborot texnologiyalari korporatsiyasi tomonidan ishlab chiqarilgan, deb xabar berdi “Hi-tech.mail.ru”.
“Ishlab chiqaruvchilar jamoasi yuqori texnologiyali mahsulotni faol rivojlantirishda partiyaning ko‘rsatmalariga diqqat bilan amal qilmoqda”, — deya xabar berdi Shimoliy Koreyadagi manba. Ularning so‘zlariga ko‘ra, ishlab chiqaruvchi “smartfonning rivojlanishida qiyinchilik tug‘diradigan va koreyschaga bog‘liq barcha muammolar”ining yechimini topgan. Smartfonning “temiri“dan tortib operatsion tizimigacha mahalliy sharoitda ishlab chiqarilgan. NK News’ning ma’lum qilishicha, Jindallae 3 “yaxshi akkumulyator” hamda “xavfsiz operatsion tizim” bilan ta’minlangan.
Bozor tahlilchilari Jindallae 3 Shimoliy Koreyadan tashqarida, asos sifatidan Xitoy yutuqlaridan foydalangan holda ishlab chiqarilgan deya hisoblamoqda. Bundan tashqari smartfon iPhone 7’ga juda o‘xshash.
Ma’lum bo‘lishicha, smartfondan turli dasturlar, jumladan, kalkulyator, Shimoliy Koreyaning Top Trumps qartali o‘yini, interner-brauzer, musiqiy pleyer hamda fotodastur joy olgan.
Koreya manbalari tarqatgan suratlarda biroz boshqacha qurilma tasvirlangani shubhali. Masalan, yuqoridagi suratda smartfonning pastki qismining o‘ng tomoni sezilarli darajada kichik va chap tomonidagi tugma boshqacha joylashgan.
Izoh (0)