The New York Times’нинг собиқ муҳаррири Дэвид Галлахер биринчи iPhone ишлаб чиқарилганига ўн йил тўлиши муносабати билан, у смартфондан қандай қилиб махфий суратга олишни амалга оширганини сўзлаб берди, деб хабар берди TJournal.

Дэвид ушбу сурат остидаги изоҳга «Менинг iPhone’имдан юборилган (аслида Стивнинг)», — дея ёзиб қолдирган.

2007 йилда у бошқа журналистлар билан биргаликда қурилманинг ёпиқ намойишида иштирок этган ва смартфон камерасини текшириш мақсадида печеньени тезда суратга олган. «Apple’нинг маълумотларни тарқаб кетишига нисбатан махфийлигини инобатга олган ҳолда, ушбу сурат ноқонуний ҳисобланишини билардим», — дейди Галлахер.

Шундан сўнг мен суратни Flickr’да чоп этдим. Суратга белги қолдирадиган даражада жасур эмасдим (имзо анча кейинроқ пайдо бўлган). Билишимча, уни ҳеч ким сезмаган.

Шунга қарамай, барибир ҳаяжонли эди: мен iPhone орқали компания ташқарисида олинган биринчи суратни интернетга жойлаштирдим.

Дэвид Галлахер, The New York Times собиқ муҳаррири

Биринчи iPhone’нинг фақат битта орқа камераси бўлган. У 2 мегапикселли суратларни олган (1600 х 2000 нуқта) ва видео ёзиб олишни амалга оширмаган.

29 июнда iPhone’нинг юбилейи шарафига Apple’нинг собиқ дизайнери қурилманинг дастлабки иккита махфий прототипи суратларини ўзининг Twitter’даги саҳифасига жойлаштирди. Унинг ёзишича, ушбу смартфонлар дастлабки босқичда валлаби дея (кенгуру оилаларидан бири) номланган.