Чеченистон раҳбари Рамзан Қодиров Саудия Арабистони валиаҳд шаҳзодаси Муҳаммад бин Салмоннинг Путин ва Россия ҳақидаги фикрларига изоҳ берди. Бу ҳақда «Газета.ru» маълум қилди.
«Inosmi.ru» сайти 26 июнь куни Норвегиянинг Steigan blogger нашрига таяниб, валиаҳд шаҳзода Муҳаммад бин Салмон «президент Владимир Путин ва Россияни Саудия Арабистони учун асосий хавф» деб атаганини маълум қилди. Мақолада шаҳзоданинг гўё «бизнинг ҳарбий имкониятларимиз Суриядаги Россия кучларини 3 кун мобайнида яксон қилиш имконини беради» дегани ҳам келтирилган.
«Бу сохта хабарнинг манбаси немис сайти. Сайт Россия ва ислом дунёси ўртасидаги яхши муносабатлар душманлари назорати остида. Саудия Арабистонининг Москвадаги элчихонаси бу мақолани тарқатган Россия сайтидан ушбу бўҳтон олиб ташланишини талаб қилди. Валиаҳд шаҳзода девонхонаси ҳам бундай баёнотларни рад этди», — таъкидлади Қодиров ўзининг Telegram’даги каналида.
Изоҳ (0)