Kreditga Lacetti olib berishni va’da qilgan firibgar ayol toshkentlikning 2,5 ming dollar pulini olib qo‘ydi

2017-yilning 1-fevral kuni Maxsudova Gulchexra Normo‘minovna Mirzo Ulug‘bek tumani hududida fuqaro Xotamov Voxidning ishonchiga kirib, unga Lacetti 2 rusumli avtoulovni kredit mablag‘i hisobidan olishga yordam berishini va’da qilib, aldov yo‘li bilan 2 500 AQSh dollari miqdoridagi pullarni qo‘lga kiritgan. Bu haqda Toshkent shahar Ichki ishlar bosh boshqarmasi rasmiy sayti xabar berdi.

Mazkur holat yuzasidan Mirzo Ulug‘bek tumani IIB huzuridagi Tergov bo‘limi tomonidan O‘zbekiston Respublikasi JKning 168-moddasi 1-qismi (firibgarlik, ya’ni o‘zganing mulkini aldash va ishonchni suiiste’mol qilish yo‘li bilan qo‘lga kiritish) alomatlari bilan jinoyat ishi qo‘zg‘atilgan.

Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.

“Jabrlanuvchining anketa ma’lumotlari o‘zgartirilgan bo‘lib, familiyasi va ismi har qanday o‘xshashligi tasodifiy harakterga ega”, — deyiladi xabarda.