1975-yilning noyabr oyida Physical Review Letters jurnalida tadqiqotchi Xizerington hamda Uillardning “Two-, Three-, and Four-Atom Exchange Effects in bcc3 He” nomli maqolasi chop etildi, biroq maqola mualliflaridan biri mushuk edi, deb xabar berdi Forum Daily.
Maqola mualliflari Michigan universitetidagi fizika fakultetining ilmiy xodimlari bo‘lishgan. Oradan besh yil o‘tib mualliflardan biri Uillard Fransiyaning La Recherche ilmiy jurnalida yana bir maqola chop etgan.
Keyinroq aniqlanishicha, Xizerington rostdan ham Michigan universitetining professori va ilmiy maqollalar muallifi bo‘lgan. Biroq Uillard — bu Xizeringtonning Chester laqabli mushugining tahallusi.
Aniqlanishicha, Physical Review Letters jurnalining talabiga ko‘ra chop etiladigan maqolaning ikkita muallifi bo‘lishi kerak. Professorga bu haqda tahririyatdan oldin maqolani o‘qib chiqqan hamkasbi aytgan.
1975-yilda shaxsiy kompyuterlar va Word dasturi bo‘lmagani, matndagi noto‘g‘ri so‘zlarni tezda almashtirish imkoni yo‘qligi sabab Xizerington tayyor maqolaga hammuallif — mushugi Chesterni qo‘shib qo‘ygan. Shundan qilib u butun boshli matnni qayta yozib chiqmasdan, shunchaki titul varog‘ini o‘zgartirib qo‘ya qolgan.
Tahririyatdan maqolaga imzo qo‘yish lozimligi haqida xabar kelganida, Xizerington o‘z imzosini, mushuk esa o‘z panja izlarini qo‘ygan.
Biroq bu voqea baribir fosh bo‘ldi, chunki professorning yoniga tashrif buyurganlar doim Uillardni so‘ragan.
Universitet hazilni ijobiy qabul qilgan va 1975-yilda fizika fakultetining rahbari Xizeringtonga xat yozgan. Unda Xizeringtondan Uillardni ishga kelishga, hech bo‘lmaganda “mashhur professor” sifatida tashrif buyurishga ko‘ndirishini so‘ragan.
Hazilni faqatgina Physical Review Letters muharrirlari to‘g‘ri tushunmagan.
Izoh (0)