AQSh fuqarosi Jeff Reyts ketma-ket ikki ming kun davomida Disneylendga tashrif buyurdi, deb yozadi TJournal. O‘z “turne”sini ishsiz erkak 2012-yilda boshlagan va bir yildan so‘ng istirohat bog‘iga borishni to‘xtatmoqchi bo‘lgan, ammo bunday qila olmagan.
Harbiy-havo kuchlarining 44 yoshli faxriysi “nimadir bilan band bo‘lish” maqsadida Disneylendga borishni boshlagan.
“Disneylendga borish menga haligacha quvonch bag‘ishlaydi. Bu ishni qilishimning yagona sababi shu. Gap rekordda emas, shunchaki menga bog‘ sehrini his qilish yoqadi”, — dedi Reyts.
Endi Reyts doimiy kunduzgi ish topdi, ammo kechqurunlari hamon bog‘ga keladi. Disneylend direktori Jon MakKlintok bog‘ga bunday sabot bilan har kuni keladigan boshqa odamni bilmasligini aytdi.
Reytsning o‘zi ba’zi attraksionlarda bir necha o‘n martalab uchib ko‘rganini, ammo ulardan hech ham bezor bo‘lmaganini ta’kidladi.
Izoh (0)