Hindistonning shimoliy qismida joylashgan Xaryana shtatidagi unchalik katta bo‘lmagan qishloqning nomi AQSh prezidenti Donald Tramp sharafiga o‘zgartirildi. Bu haqda AFP agentligiga tayanib, “TASS” xabar berdi.
Bunga qadar qishloqning nomi Marora bo‘lgan.
Qishloqqa kiraverishda Amerika prezidentining kulib turgan rasmi tushirilgan va ostiga “Tramp qishlog‘i”ga xush kelibsiz!” deya yozuv bitilgan katta plakat ilib qo‘yilgan. Siyosatchining suratlari va stendlari aholi punktining turli qismlariga ilib chiqilgan.
Qishloq nomini Tramp sharafiga o‘zgartirish fikri aholining sanitariya sharoitlarini yaxshilash bilan shug‘ullanuvchi Hindistondagi nodavlat tashkilotlardan birining rahbaridan chiqqan. U bu haqda Maroraning mahalliy kengashi rahbariga so‘zlagan va ular tashabbusni amalga oshirishga qaror qilgan.
Qishloq nomining o‘zgarishi Hindiston bosh vaziri Narendra Modining 26-iyunda Vashingtonga amalga oshiradigan tashrifi oldidan sodir bo‘ldi.
Izoh (0)